"AI War ထဲဝင်လာတော့မယ် Opera Browser"

Opera ဟာ သူတို့ရဲ့ကိုယ်ပိုင် Opera Browser ထဲ ChatGPT ရဲ့ AI စနစ်ကိုထည့်သွင်းသွားဖို့ရှိကြောင်း ပြောကြားလာပါတယ်။ ကုမ္ပဏီဘက်ကတော့ AI နည်းပညာအခြေခံထားတဲ့ content တွေကို မူလရှိပြီးသား Mobile နဲ့ PC browser တွေထဲက AI ပရိုဂရမ်ထဲကိုထပ်မံဖြည့်သွင်းပေးသွားဖို့ဖြစ်ကြောင်း အသိပေးပြောကြားထားပါတယ်။

Opera ဟာ သူ့ရဲ့ browser side-bar ထဲမှာ Shorten လို့ခေါ်တဲ့ ChatGPT ရဲ့ AI tool တစ်ခုကို webpage တွေနဲ့ သတင်းဆောင်းပါးတွေရဲ့အနှစ်ချုပ်ကိုပြောပြပေးနိုင်ဖို့အတွက် ထည့်သွင်းပေးသွားမှာဖြစ်ပြီး လုပ်ဆောင်မှုအသေးစိတ်ကိုပြသထားတဲ့အစမ်းဗီဒီယိုကိုပါပြသသွားခဲ့ပါတယ်။

Opera ရဲ့ Co-CEO ဖြစ်သူ Song Lin က 'ကျွန်တော်တို့ကုမ္ပဏီရဲ့ ၂၅နှစ်ကြာသက်တမ်းအတွင်းမှာ ကျွန်တော်တို့ဟာ browser တွေ တီထွင်ဖန်တီးတဲ့နေရာမှာ အမြဲတမ်းရှေ့ဆုံးကရှိခဲ့ပါတယ်။ browser တွေထဲကိုထည့်သွင်းနိုင်မယ့် AI tool တွေကိုဖန်တီးတဲ့နေရာမှာ web တွေမှာဘယ်လောက်ထိဖြစ်လာနိုင်မလဲဆိုတဲ့ ရလဒ်အတွက် အားသွန်ခွန်စိုက်ကြိုးစားကြရပါတယ်။ AI နည်းပညာအခြေခံထားတဲ့ tool တွေအပေါ်စိတ်ပါဝင်စားသူတွေများလာချိန်မှာ AI နည်းပညာအခြေခံထားတဲ့ web တစ်ခုအဖြစ်အကောင်အထည်ပေါ်အောင်စတင်ဖန်တီးသွားနိုင်မယ်လို့ယုံကြည်ပါတယ်' လို့ပြောကြားသွားပါတယ်။ အသစ်ထည့်သွင်းသွားမယ့် AI feature ကိုတော့ အခုလက်ရှိအချိန်ထိ Opera Browser အားလုံးမှာအသုံးပြုလို့ ရဉီးမှာမဟုတ်သေးပါဘူး။